Айым Елтайқызы Әкеге сағыныш

Жүректі бөліп көп күн ой,
Көзімнен жасымды төкті ғой.
Жүруші ең әке қасымда,
Жоқсың ғой бүгін, жоқсың ғой.
Жанары анық-ау бағымның,
Сен болмай жабырқап жаным мың.
Аялап, мәпелеп өсірген,
Әкетай өзіңді сағындым.

Қайырмасы:
Жадымда мәңгілік,
Дауысың жаңғырып.
Жан әке,
Өзіңді
Сағындым мен, әке.

Күніме теңедім,
Асқар тау сен едің.
Әкешім,
Өзіңді
Сағынды бөпешің.

«Балам-ау» дейтұғын сөзіңді,
Мейірім тұнған нұр көзіңді,
Сағындым әкешім еркелеп
Отырар өзіңе кезімді.
Алланың болар-ау қалауы,
Тағдырдың сан жол-ау тарауы.
Кірлетпеймін әкешім атыңды,
Жұлдызым менің де жанады.